«Տաղարան»-ի համերգին թուրք երգչուհի Լեման Շտեհնը Կոմիտաս կկատարի

Սեպտեմբերի 24-ին Կոմիտասի անվան Կամերային երաժշտության տանը, կկայանա «Քելե լաո, քելե էրթանք մըր էրգիր» խորագրով «Տաղարան» համույթի /գեղարվեստական ղեկավար և դիրիժոր, ՀՀ մշակույթի վաստակավոր գործիչ ՝ Սեդրակ Երկանյան/ համերգը:

Համերգին, ի թիվս այլ ստեղծագործությունների, «Տաղարանի» արտիստների կատարմամբ առաջին անգամ հնչելու են համերգի խորագրի համանուն երգը, «Քոչարիների» շարքը, որն իր մեջ ներառել է մեր երկրի տարբեր տարածաշրջանների քոչարիները:

Համերգին իր մասնակցությունն է բերելու գերմանաբնակ թուրք երգչուհի Լեման Շտեհնը, որը հանդես է գալու հայկական երգերի կատարմամբ՝ հայերենով: Հատկանշական է , որ երգչուհին եվրոպական երկրներում հանդես գալով տարբեր հայկական ծրագրերով` համերգներին ու հանդեսներին իր ուրույն մոտեցումն է դրսևորում Հայոց մեծ եղեռնի ճանաչման համախնդրին: