Թալինի հիվանդանոց աղիքային վարակով 23 երեխա է տեղափոխվել

Վերջին օրերին մասսայական թունավորումներ են գրանցվում. այս անգամ արդեն Թալինում մի խումբ երեխաներ են տեղափոխվել տեղի բուժկենտրոն:

Yerkir.am-ի հետ զրույցում հիվանդանոցի մանկաբույժ-ինֆեկցիոնիստ Նինա Միքայելյանը տեղեկացրեց, որ այս պահին 25 մարդ է գտնվում հիվանդանոցում նույն գանգատներով:

«Մեծ մասամբ երեխաներ են` 4 տարեկանից սկսած, միայն երկու մեծահասակ կա: Բոլորի վիճակը կայուն է` լավ կամ բավարարին մոտ: Ծանր հիվանդներ չունենք»,- ասաց Միքայելյանը:

Նա տեղեկացրեց նաև, որ երեկ միայն 10 երեխա է տեղափոխվել հիվանդանոց, գիշերը` ևս մեկը: Այսօր, բարեբախտաբար, նոր հիվանդներ չեն գրանցվել:

Թե ո՞րն է պատճառը, դեռ պարզ չէ, սակայն խոսակցություններ կան` շիգելոզ վարակն է: