Գեղարքունիքում վթարի հետևանքով տուժած մայորը մահացավ

Yerkir.am-ի տեղեկություններով՝ այսօր առավոտյան «Էրեբունի» բժշկական կենտրոնում մահացել է  սեպտեմբերի 5-ին Գեղարքունիքի մարզում ողբերգական վթարի հետևանքով տուժած վարորդը՝ մայոր Սևակ Գասպարյանը:

Հիշեցնենք, որ վթարի հետևանքով մահացել էին ՀՀ ՊՆ N զորամասի զինծառայողներ` կապիտան Տարոն Միքայելի Սեդրակյանը, մայոր Գրիգոր Սամվելի Սահակյանը և ենթասպա Գևորգ Ավետիքի Վարդանյանը:

Ավելի վաղ հայտնել էինք, որ  30-ամյա Սևակ Գասպարյանը ՀՀ ՊՆ թիկունքի վարչության նախկին պետ Տիգրան Գասպարյանի որդին է և ծառայում է ՀՀ ՊՆ N զորամասում` որպես թիկունքի գծով հրամանատարի տեղակալ: Մեր տեղեկություններով` նա մեկ ամիս էլ չկար, ինչ նշանակվել էր այդ պաշտոնին: Մինչ այդ սովորում էր Պետերբուրգի զինվորական ակադեմիայում:  Սևակ Գասպարյանն ամուսնացած էր, ուներ մեկ երեխա:

Դեպքի առթիվ ՀՀ ՔԿ զինվորական քննչական գլխավոր վարչությունում հարուցվել է քրեական գործ` ՀՀ քրեական օրենսգրքի 242-րդ հոդվածի 3-րդ մասով: