Կառավարության անվտանգության` ինքնասպանության փորձ կատարած աշխատակիցը ֆինանսական խնդիրներ է ունեցել

 Արդեն տեղեկացրել ենք, որ այսօր առավոտյան կառավարության անվտանգության աշխատակիցներից մեկը ինքնասպանության փորձ է կատարել: Այժմ նա գտնվում է թիվ 1 համալսարանական հիվանդանոցում, նրան վիրահատում են:

Yerkir.am-ի թղթակիցը հիվանդանոցից հայտնում է, որ վիրահատությունը դեռ ընթացքի մեջ է, նրա վիճակը համարվում է ծանր:

Ինքնասպանության փորձ կատարած երիտասարդը Լյուդվիգ Հովհաննիսյանն է, երկար տարիներ է, որ աշխատում է կառավարությունում` Պետական պահպանության ծառայությունում:

Մեր թղթակցի հարցին, թե ո՞րն է եղել նման քայլի դրդապատճառը, հիվանդանոցում հավաքված նրա ընկերներից մեկը հրաժարվեց տեղեկություններ հաղորդել, բայց, ամեն դեպքում, նշեց, որ Լյուդվիգ Հովհաննիսյանը լուրջ խնդիրների մեջ է ներքաշված եղել, ըստ որոշ տեղեկությունների` պարտքեր է ունեցել:

Լյուդվիգ Հովհաննիսյանը մոտ 38 տարեկան է, ամուսնացած է և ունի մեկ դուստր: