Ա սերիա. գործող չեմպիոնը կրկին պարտություն կրեց (այլ արդյունքներ)

Իտալական Ա սերիայի 2-րդ տուրում գործող չեմպիոն Թուրինի «Յուվենտուս»-ը հյուրընկալվելիս 2:1 հաշվով պարտվեց «Ռոմա»-ին:

61-րդ րոպեին Պյանիչը առաջ մղեց տանտերերին: 79-րդ րոպեին Ջեկոն կրկնապատկեց իր թիմի առավելությունը, իսկ հիմնական ժամանակի ավարտից 3 րոպե առաջ Դիբալան հաշիվը դարձրեց 2:1:

«Միլան»-ը սեփական հարկի տակ 2:1 հաշվով հաղթեց «Էմպոլի»-ին: Կարմրասևերի կազմում գոլեր հեղինակեցին Բակկան` 16’, և Ադրիանոն` 69’, իսկ հյուրերի կազմում աչքը ընկավ Սապոնարան` 20’:

Միլանյան մյուս թիմը` «Ինտեր»-ը հյուրընկալվելիս նույն 2:1 հաշվով  հաղթեց Ա սերիայի նորեկ «Կարպի»-ին: Միլանյան թիմի կազմում դուբլի հեղինակ դարձավ Յովետիչը 31’, 89’: Տանտերերի կազմում աչքի ընկավ Դի Գոուդոն 81’:

Ա սերիայի 2-րդ տուրի մյուս խաղերում հետևյալ հաշիվները գրանցվեցին:

«Բոլոնիա»-«Սասուոլո»` 0:1

«Կիևո»-«Լացիո»` 4-0

«Ջենոա»–«Վերոնա»` 2-0

«Նապոլի»-«Սամպդորիա»` 2-2

«Տորինո»–«Ֆիորենտինա»` 3-1

«Ուդինեզե»-«Պալերմո»` 0-1

«Ատալանտա»-«Ֆրոսիոնե»`2:0