Չստանալով Ֆրանսիայից ակնկալած օգնությունը՝ հաճնցիները դիմել են ինքնապաշտպանության

Ծնվել է 1894 թ., Եդեսիայի նահանգի կենտրոն Եդեսիա քաղաքում:

1908 թ. օսմանյան սահմանադրության վերահաստատումից հետո ի թիվս բազմաթիվ եդեսահայ երիտասարդների, մեկնել է Կ. Պոլիս՝ կրթություն ստանալու:

1908-15 թթ. սովորել է Կ. Պոլսի Օսմանյան կայսերական բժշկական վարժարանում:

1915 թ. Առաջին աշխարհամարտի ժամանակ զորակոչվել է օսմանյան բանակ և զինվորական բժիշկ ծառայել:

1918 թ., պատերազմն ավարտվելուն պես աճապարել է Կ. Պոլսից հեռանալ դեպի իր ծննդավայրը՝ Եդեսիա:

Ճանապարհին այցելել է Ադանա, որտեղ Ազգային միությունը և ընկերները նրան հորդորել են գնալ Հաճըն:  Անսալով հորդորներին, մեկնել է Հաճըն՝ բժիշկ աշխատելու:

Կիլիկիայի քեմալական շարժումների ընթացքում Հաճընը լքված ու մեկուսացած էր մնացել:

1920 թ. մարտին Հաճընը շրջապատվելով քեմալական զորքերով, կտրվել է արտաքին աշխարհից:

Չստանալով Ֆրանսիայից ակնկալած օգնությունը, հաճընցիները դիմել են ինքնապաշտպանության և հերոսաբար կռվել իրենց ազատության համար:

Այդ հերոսամարտի ընթացքում բժիշկը անգնահատելի ծառայություններ է մատուցել հաճընցիներին:

1920 թ. նահատակվել է Հաճընի ինքնապաշտպանական կռիվների ընթացքում:

Մինասյան Հ., Օսմանյան կայսրությունում, Թուրքիայի Հանրապետությունում և հարակից տարածքներում բռնաճնշումների և ցեղասպանության ենթարկված հայ բժիշկներ: Համառոտ կենսագրական բառարան, Երևան, 2014, 519 էջ, էջ 178–179: