Սեյրան Օհանյանը` առաջնագծում

ՀՀ պաշտպանության նախարար Սեյրան Օհանյանը աշխատանքային այցով մեկնել է  Տավուշի մարզ: Այդ մասին Ֆեյսբուքի իր էջում տեղեկացնում է ՊՆ մամուլի խոսնակ Արծրուն Հովհաննիսյանը:

 «ՀՀ պաշտպանության նախարար Սեյրան Օհանյանը օգոստոսի 8-ից 9-ը աշխատանքային այցով գտնվում էր Տավուշի մարզում: Նախարարը նախ և առաջ այցելել է առաջնագիծ, ծանոթացել դիրքերի բարելավման աշխատանքներին, ինժեներական հագեցվածությանը, հրամանատարության հետ քննարկել մարտական պատրաստության և այլ հարցեր: Սեյրան Օհանյանը այցելել է նաև զորամասեր, հետևել շինարարական աշխատանքներին: Նախարարը հանդիպել է նաև սահմանամերձ գյուղերի բնակիչների հետ, տվել նրանց հուզող հարցերի պատասխանները, համայնքների ղեկավարների հետ քննարկել սահմանայինլարվածությանևհամայնքներինաջակցությանհարցեր»,- գրել է նա: