Սեյրան Օհանյանը պիտի 100 տարի աշխատե՞ր, հո կաթողիկոս չէ՞ր. Սեյրան Սարոյան

Նորմալ մարդ ա, մեծ հայ ա, նորմալ էլ կաշխատի, ինքը բանակի ամեն ինչը նորմալ գիտի, ինքը իրա կարիերան սկսել ա բանակից, ով ինչ ասում ա,  սուտ ա ասում. այսօր Ազգային ժողովում լրագրողներին ասաց գեներալ Սեյրան Սարոյանը` անդրադառնալով Վիգեն Սարգսյանի` պաշտպանության նախարար նշանակվելուն:

Հարցին, թե ազգ-բանակ եզրույթին ինչպե՞ս է վերաբերվում, նա պատասխանեց. «Որ ազգն ու բանակն իրար հետ չեղան, էդ եղավ բանա՞կ, էդ բանակն ո՞ւմն ա բա,  խելոք բան ասեց նախարարը»:

Հարցին` ինչո՞ւ մինչ այդ չէինք անում, Սարոյանն արձագանքեց.  «Առաջ բանակաշինություն էր` բանակ էինք սարքում ազգով, հիմա ազգն ու բանակը իրար հետ պիտի էղնի, միասին պետք ա էթանք առաջ: Որ բանակն առաջ ա ընկել ազգից, էդի միշտ ասել եմ, չէ՞, հիմա պիտի նենց անենք, որ բանակն ու ժողովուրդը միասին լինեն, որովհետև էն ազգի բանակը, որ իրա ժողովրդից առաջ է ընկնում, էդ պետությունը քանդվում ա»:

Հարցին` բայց չե՞ք կարծում, որ պաշտպանության նախարարը պետք է լինի ոլորտի մարդ, ինչպես Սեյրան Օհանյանն էր, նա պատասխանեց. «Սեյրան Օհանյանը պիտի 100 տարի աշխատի՞, հո կաթողիկոս չի՞, 100 տարի հո չի՞ մնալու պաշտպանության նախարար, պիտի էթա իրա գործին, չէ՞»: