Ինչո՞ւ է փախչում Սփյուռքի նախարարը

Այսօր կառավարության նիստի օրն է: Երկրի քաղաքական օրակարգում կարևոր հարցեր կան՝ սահմանադրական փոփոխությունների տեքստի մի մասն է հրապարակվել, ինչպես նաև ադրբեջանական օդուժն է սկսել թռիչքներ իրականացնել շփման գծից 10-15 կմ դեպի ԼՂՀ տարածք:

Կառավարության նիստին շտապող` էկոնոմիկայի նախարար Կարեն Ճշմարիտյանին լրագրողները հարցրեցին, թե ինչ կարծիք ունի սահմանադրական փոփոխություններիէ արդեն հրապարակված տեքստի մասին: Նախարարը պատասխանեց, որ չի կարդացել այն, տեղյակ չէ:

Սփյուռքի նախարար Հրանուշ Հակոբյանը քայլում էր դեպի կառավարության շենքի գլխավոր մուտքը, բայց, տեսնելով հավաքված լրագրողներին, շրջվեց և վազեց դեպի կառավարության շենքի ետնամուտք: Լրագրողների հարցերին ի պատասխան էլ ընդամենը ասաց. «Չեք տեսնո՞ւմ, որ շտապում եմ նիստի»: