Գորիսի Կոմերիտմիության 2 հանրակացարանի բնակիչները մշտական բնակության վայր կունենան

Կառավարության վաղվա նիստում հաստատման պետք է ներկայացվի Գորիս քաղաքի Կոմերիտմիության 2 հասցեում գտնվող հանրակացարանում բնակվող` Հայաստանի Հանրապետության քաղաքացիներին օրենսդրությամբ սահմանված կարգով նվիրել իրենց կողմից զբաղեցրած բնակելի տարածքները` համաձայն հավելվածի, սեփականության իրավունքով կամ ընդհանուր բաժնային սեփականության իրավունքով, հավասար բաժիններով: 

Գորիս քաղաքի Կոմերիտմիության 2 հասցեներում գտնվող հանրակացարանում բնակվող բնակիչները գրություններով դիմել են ՀՀ ԿԱ պետական գույքի կառավարման վարչություն և խնդրել իրենց նվիրել իրենց կողմից զբաղեցրած բնակելի տարածքները, մշտական բնակության վայր ունենալու նպատակով:

ՀՀ կառավարության սույն որոշման նախագծի ընդունման նպատակը ՀՀ-ի հանրակացարաններում երկար տարիներ բնակվող տեղաբնակ բնակիչների և նրանց ընտանիքների բնակարանային խնդիրների լուծումն է: