Ցուցարարներն անցնում են «վճռական քայլերի»

Այսօր Բաղրամյան պողոտայում շարունակվող ցույցի համակարգող , «Ժառանգություն» կուսակցության մամուլի խոսնակ Դավիթ Սանասարյանը լրագրողների հետ զրույցում հայտարարեց.

«Այսօր ժամը 21:00-ից մենք սկսելու ենք շարժման վճռական փուլը , հայտարարելու ենք շարժման որոշման  մասին , ժողովրդի հավանությունը ստանալուց հետո, կանցնենք այդ վճռական քայլերին: Հիմա ավել բան չեմ ասելու, բայց ասեմ, որ այսուհետ  կարևոր փուլ ենք մտնում »,- ասաց նա` չմանրամասնելով, թե ինչ նկատի ունի` վճռական քայլեր ասելով: Դավիթ Սանասարյանը խոստացավ մանրամասներն ասել  այսօր երեկոյան: Իսկ եթե ժողովրդի կողմից այդ քայլերը հավանության չարժանանան, ապա, ըստ Դավիթ Սանասարյանի, որևէ քայլ չեն ձեռնարկի: