Ցուցարարներն Ազատության հրապարակում են (լուսանկարներ, տեսանյութ)

Այսօր ՀԱԿ-ն, ի վերջո,  «վերանվաճեց» Ազատության հրապարակը: Մինչ այդ Մատենադարանի մոտ տեղի ունեցած հանրահավաքի ընթացքում ՀԱԿ առաջնորդ Լեւոն Տեր-Պետրոսյանը նշեց, թե հանրահավաքին մոտ 100 հազար մարդ է մասնակցում: Ոստիկանության Երեւանի վարչության պետ Ներսես Նազարյանի գնահատմամբ` թիվը մեկ զրոյով պակաս էր` «առավելագույնը 10 հազար»:

Աստիճանաբար լցվող Ազատության հրապարակում ժողովրդի մի մասը վանկարկում էր` «Րաֆ-ֆի, Րաֆ-ֆի», մյուս մասն էլ` «Լեւոն, նախա-գահ»:

Իր ելույթում Լեւոն Տեր-Պետրոսյանը տեղեկացրել էր, որ ՀԱԿ հաջորդ հանրահավաքը կկայանա ապրիլի 8-ին, սակայն ժողովուրդըխոսում էր, թե հազիվ են «ազատել Ազատության հրապարակն ու ոչ մի գնով դուրս չեն գա»: Սակայն ցուցարարների մեջթերահավատներ էլ կային, ում համար անհասկանալի էր, թե ինչպե՞ս եւ ինչո՞ւ այդքան հեշտությամբ զիջեցին ոստիկանները: «Ապե'ր, աչքիս սարքած գործ էր, էսօր հեչ իրանց նման չէին էս մլիցեքը»,- այսպիսի կարծիքներ էլ եղան:

Տեսանյութը` այստեղ:

Լուսանկարները` Անդրանիկ Լավչյանի