Այս պահին Երևանում sett-weather
Փոխարժեքներ 25 11 2024
USD ⚊ $ 389.76
EUR ⚊ € 406.4
RUB ⚊ ₽ 3.79
GBP ⚊ £ 488.37
GEL ⚊ ₾ 142.31
կարևոր
0 դիտում, 9 տարի առաջ - 2015-06-16 17:30
Քաղաքական

Արծվիկ Մինասյանը կարևորեց ոսկու վաճառք իրականացնողների կողմից հարկային դաշտ ընտրելու` կամավորության սկզբունքը

Արծվիկ Մինասյանը կարևորեց ոսկու վաճառք իրականացնողների կողմից հարկային դաշտ ընտրելու` կամավորության սկզբունքը
ԱԺ արտահերթ նիստում քննարկվում է կառավարության ներկայացրած` «Արտոնագրային վճարների մասին» օրենքում լրացումներ անելու հարցը:
 
Հիմնական զեկուցող` էկոնոմիկայի նախարար Կարեն Ճշմարիտյանը նշեց, որ լրացումները սահմանում են ոսկու շուկայում վաճառողների հարկման մեխանիզմները, որոնք անջատվելու են շրջանառության հարկից: Ոսկու շուկան ազատված է ԱԱՀ-ից, սակայն ոլորտը խնդրահարույց է, և առաջարկվում է ոչ ստանդարտ լուծում:
 
Կառավարության ներկայացուցիչները եղել են ոսկու բոլոր շուկաներում և եկել են այն համոզման, որ օրենքի լրացումները ընդունելի կլինեն, մասնավորապես` ոսկու մեկ վաճառատեղիի համար 0,7 գծամետր, 0,5 քառակուսի մետր, 35 հազար դրամ ամսական վճարով: «Բոլոր վաճառողներն առաջարկում էին, որ փաստաթղթավորումը բավական խնդրահարույց է, և որ իրենք ազատվեն վարչարարական գործոններից: Բացի այդ`  մարզկենտրոններում սահմանվում  են ավելի ցածր դրույքաչափեր, Երևանի ներսում էլ կլինի գոտիավորում»,- ասաց նախարարը:
 
ԱԺ ՀՅԴ խմբակցության պատգամավոր Արծվիկ Մինասյանը հարց ուղղեց նրան, որը վերաբերում էր հանրային քննարկումներին: Պատգամավորը կարևորեց հանրային քննարկումները և այն, որ դա ներկայացված լինի ամփոփաթերթում: Պատգամավորը հարցրեց` արդյո՞ք դա նոր հարկատեսակ չէ այդ գործունեության համար, կարո՞ղ են այդ գործունեությունն իրականացնող սուբյեկտները ոչ թե արտոնագրային վճարով առաջնորդվել, այլ ստանդարտ հարկային դաշտով, շահութահարկի համակարգով: Նաև` 35 հազար դրամ վճար կարո՞ղ է սուբյեկտի գործունեության դադարեցման պատճառ դառնալ:
 
Նախարարը նշեց, որ կառավարությունը չի անում որևէ քայլ, որը կնպաստի տնտեսվարողի գործունեության դադարեցմանը, և որ հաշվարկը կատարված է ամսական մինիմալ եկամուտների պարագայում, հակառակ դեպքում` բիզնեսը դառնում է ոչ ողջամիտ: Ըստ նրա` ոչ միայն ՀԿ-ների, այլ նաև առանձին աշխատողների հետ է անցկացվել քննարկում: Կարեն Ճշմարիտյանը ընդգծեց, որ այն նոր հարկատեսակ չի դառնա:
 
Արծվիկ Մինասյանն իր ելույթում ասաց, որ քննարկվող օրինագիծը կարևոր է այնքանով, որ տվյալ ոլորտում աշխատող մարդիկ սպասելիքներ ունեն: Նա կարևորեց կամավորության սկզբունքը նախագծում, որովհետև քաղաքացին է ընտրում հարկային դաշտը կամ իրեն ձեռնտու հարկային մեխանիզմը:
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը