Համոզված եմ, որ հաղթելու ենք․ Ֆերնանդու Սանթուշ

Քիչ առաջ Երևանի Հանրապետական մարզադաշտի ասուլիսի սրահում ավարտվեց Պորտուգալիայի ազգային հավաքականի գլխավոր մարզիչ Ֆերնանդու Սանթուշի մամուլի ասուլիսը։

«Հայաստանի հավաքականը վերջերս ցույց է տալիս այլ խաղ։ Թիմն ավելի ուժեղ է և պաշտպանողական ֆուտբոլ է խաղում, որը մեզ համար խնդիրներ է առաջացրել ընտրական փուլի առաջին խաղում, բայց մենք եկել ենք այստեղ` հաղթելու։ Հայաստանի հավաքականը մշտապես խնդիրներ է ստեղծել Պորտուգալիայի համար։ Ես լիովին հանգիստ եմ և համոզված, որ վաղը հաղթելու ենք»,- ասաց նա։

Հարցին, թե ինչո՞ւ Պորտուգալիայի ընտրանին որոշեց Հայաստան ժամանելուց առաջ մեկնել Վրաստան, մարզիչը պատասխանեց․ «Որոշեցինք խաղին նախապատրաստվել Վրաստանում, քանի որ ժամային տարբերությունը Հայաստանի և Պորտուգալիայի միջև մեծ է։ Եթե խաղայինք Վրաստանի հետ, ապա կնախապատրաստվեինք Վրաստանում»։