3 հայ պատգամավորի թեկնածու` Թուրքիայի խորհրդարանի նոր կազմում

Թուրքիայում կայացան խորհրդարանական ընտրությունները, սակայն վերջնական արդյունքները դեռ չեն հաղորդվել:

Նախնական արդյունքների համաձայն` Թուրքիայի խորհրդարան է անցել չորս կուսակցություն:

Խորհրդարանի նոր կազմում կլինեն կուսակցությունների կողմից առաջադրված` ազգությամբ հայ թեկնածուներ: «Արդարություն և զարգացում» կուսակցության կողմից առաջադրված` լրագրող Մարգար Եսայանը, Ժողովրդա-հանրապետական կուսակցության կողմից առաջադրված Սելինա Ուզուներ Դողանն ու Ժողովուրդների դեմոկրատական կուսակցության կողմից առաջադրված Կարապետ Փայլանը:

Նշենք, որ Էրդողանի աջակցությունը վայելող «Արդարություն և զարգացում» կուսակցությունը, խորհրդարանական ընտրությունների նախնական արդյունքների համաձայն, դադարում է միակ իշխող կուսակցությունը լինել: