ՏՄՊՊՀ-ն 200 հազարի փոխարեն 2 մլն է ուզում

Կառավարության վաղվա նիստում ՏՄՊՊՀ նախագահ Արտակ Շաբոյանը ներկայացնելու է պետական մարմիններում հեռախոսակապի և փոստային կապի ծառայությունների նորմաների աղյուսակում պետական մարմինների համար փոստային կապի ծառայությունների տարեկան սահմանաչափը (200 հազ. դրամ)` ՏՄՊՊՀ-ի  համար նախատեսելով 2մլն 100 հազ. դրամ:

ՏՄՊՊՀ-ն դա պայմանավորում է իր կողմից հրավիրվող նիստերին մասնակցող  շահագրգիռ անձանց գրավոր ծանուցումներ ներկայացնելու,  տնտեսվարող սուբյեկտներից, պետական մարմիններից անհրաժեշտ փաստաթղթեր և այլ տեղեկատվություն  ստանալու, նիստին մասնակից շահագրգիռ անձանց իրազեկումը, վարչական ակտերի հանձնումը հասցեատերերին ապահովելու գործընթացը կազմակերպելու անհրաժեշտությամբ:

Նախագծի ներկայացումը պայմանավորված է ՀՀ տնտեսական մրցակցության պաշտպանության պետական հանձնաժողովի բնականոն գործունեության կազմակերպման անհրաժեշտությամբ` կապված ծրարների գնումների քանակի ավելացման, այդ թվում՝ արագացված փոստային (EMS), սուրհանդակային և օժանդակ ծառայությունների մատուցման վճարների հետ: