Սեւանից 170 մլն-ի փոխարեն 245 մլն խմ ջուր կվերցվի

Կառավարությունը վաղվա նիստում, համապատասխան որոշման մեջ փոփոխություն կատարելով, կհաստատի 2014 թվականին նախապես պլանավորված ջրառի ծավալը մեծացնելու մասին որոշման նախագիծը:

Այդ որոշման համաձայն` 170 միլիոն խմ ջրառի փոխարեն կառավարությունը կթույլատրի Սևանից իրականացնել 245 միլիոն խմ ջրառ:

Այս որոշմամբ, ըստ կառավարության ներկայացրած նախագծի, կատարվելու է 2014 թվականի Սևանա լճից ջրի բացթողումների տարեկան առավելագույն չափաքանակի փոփոխության վերաբերյալ ժամանակավոր ծրագրի 5-րդ կետի առաջին պարբերության, ինչպես նաև Սևան-Հրազդան իրիգացիոն-էներգետիկ, ինքնահոս և Սևանա լճից մեխանիկական ոռոգման համակարգերից սնվող հողատարածքների ոռոգումը: