Շատ ավելի վատ ա լեզվավաճառությունը, քան մարմնավաճառությունը. Այվազյանը բարկացավ

Այսօր ԱԺ արտահերթ նիստում քննարկվում էր կառավարության ներկայացրած` «Եկամտային հարկի» մասին և «Շահութահարկի մասին» օրենքներում լրացումներ ու փոփոխություններ անելու մասին հարցը:

Ելույթ ունեցավ ԱԺ տնտեսական հարցերի հանձնաժողովի նախագահ Վարդան Այվազյանը: Նա նշեց, որ քննարկման ընթացքում ավելի շատ խեղաթյուրվել է ամբողջ օրենսդրական փաթեթի իմաստը:

Ըստ Այվազյանի` սա ԵՏՄ հնարավորություններից մեկն է, որը պետք է ճիշտ օգտագործել: «Որևէ մեկ խոպանչիկի չի վերաբերում սա, ի՞նչ եք սկսել բառախաղերի հետևից ընկնել: Ոչ էլ քաղաքացիություն կորցնելու մասին է խոսքը: Պարզապես ասում՝ էն հարկային գործակալը, որը աշխատողներ ա տանում Ռուսաստան, էնտեղ եկամտահարկ մուծելու փոխարեն ստեղ թող մուծի»,- ասաց պատգամավորը՝ բացատրելով, որ եկամտային հարկը չէր կարող լինել ավելի քան 13 տոկոսը, որովհետև տարբերությունների դեպքում վճարվում է այնտեղ: