«Գազպրոմ»-ը համաձայնեց գազի զեղչ տրամադրել թուրքական մասնավոր ընկերություններին. Коммерсантъ

Ռուսական «Գազպրոմ»-ը մի քանի ամիս տևած բանակցություններից հետո համաձայնել է զեղչ տրամադրել թուրքական մասնավոր ընկերություններին, որոնց հասնում է ռուսական գազի ներկրման ավելի քան մեկ երրորդը: Այդ մասին գրում է  Коммерсантъ-ը: Խոսքը Enerco Enerji, Bosphorus gas, Avrasya gaz, Shell, Bati Hatti, Akfel gas և Kibar Enerji ընկերությունների մասին է:

Թերթի տվյալներով՝ մինչ այժմ ընկերությունները ստիպված են եղել 1 000 խորանարդ մետրի համար վճարել 374 դոլար, ինչը գերազանցում է Եվրոպայում շուկայական ընթացիկ մակարդակը: Այժմ առաջին եռամսյակում գինը կկազմի  300 դոլարից պակաս, երկրորդ եռամսյակում՝ մոտ 260 դոլար:

Նոր համաձայնագիրը կգործի հետին ամսաթվով՝ հունվարի 1-ից մինչև տարեվերջ:  «Գազպրոմը» պետք է վերադարձնի ներկրողներին արդեն արված վճարումների մի մասը: Պարբերականի գնահատականով՝  250-300 միլիոն դոլար: