Հայոց ցեղասպանության հարցը դեռ քննարկվում է Գերմանիայի Բունդեսթագի հանձնաժողովներում

ՀՀ արտգործնախարարի մամուլի խոսնակ Տիգրան Բալայանը, Yerkir.am-ի հետ զրույցում, պատասխանելով այն հարցին, թե ի՞նչ տեղեկություններ կան Գերմանիայի Բունդեսթագից, որտեղ, ըստ տեղեկությունների, ապրիլի 30-ին պետք է տեղի ունենար Հայոց ցեղասպանության ճանաչման հարցի քվեարկությունը, պատասխանեց. «Հարցի քվեարկությունը, ճիշտ է, տեղափոխվել էր, բայց ոչ` ապրիլի 30-ին: Մամուլում տեղ գտած այդ տեղեկությունը սխալ է»:

Այն հարցին, թե Գերմանիայի Բունդեսթագում ե՞րբ է քննարկվելու ու քվեարկության դրվելու Հայոց ցեղասպանության ճանաչման հարցը, նա պատասխանեց. «Դեռ պարզ չէ, հանձնաժողովներում դեռ քննարկումներ են ընթանում, որից հետո կորոշվի քվեարկության օրը»:

Հարցին, թե ի՞նչ նորություններ կան, առհասարակ, Գերմանիայի Բունդեսթագից, Տիգրան Բալայանը պատասխանեց. «Նորություններ կան, որոնք հրապարակման ենթակա չեն»: