Գալուստ Սահակյանի կարծիքով՝ իր աներձագն անարդար է այդպես կարծում

Այսօր ԱԺ նախագահ Գալուստ Սահակյանը լրագրողների հետ զրույցում խոսեց տնտեսական աճի մասին:

«Ես կարծում եմ` մենք տարեվերջին տնտեսական աճ կունենանք: Տարբեր ժամանաշրջանի մասին է խոսքը, իսկ այսօրվա գործիքները ուրիշ են, և այսօր այլ գործիքներ է պետք կիրառել, և կառավարությունը փորձում է կիրառել»,- ասաց նա:

Խոսելով Աշոտ Աղաբաբյանի`  իր կնոջ եղբոր նկատմամբ հարկային ճնշումների մասին, Գալուստ Սահակյանը նշեց, թե որևէ մեկը որևէ մեկին չի ճնշում: Լրագրողների դիտարկմանը, որ Աշոտ Աղաբաբյանն ինքն է հայտարարել, թե ստուգումներ կան, և սնանկացման եզրին է գտնվում, ԱԺ նախագահը պատասխանեց. «Անարդար է գտնում, հետապնդում են, որ արդարությունը... Դատարանը կորոշի»:

Հարցին, թե արդյո՞ք Աշոտ Աղաբաբյանը ստվերում է գործում, Սահակյանը պատասխանեց, թե այդպես չի կարծում: