ԵՊՀ-ում ահաբեկչության մասին սուտ հաղորդում տալու գործը՝ դատարանում

Ուսանողների կողմից ԵՊՀ-ում ահաբեկչության մասին սուտ հաղորդում տալու վերաբերյալ գործն ընդունվել է Կենտրոն և Նորք-Մարաշ վարչական շրջանների ընդհանուր իրավասության դատարանի վարույթ: Գործը մակագրվել է նույն դատարանի դատավոր Արշակ Վարդանյանին:

Նախաքննությամբ ձեռք բերված ապացույցների հիման վրա գործով մեղադրանք է առաջադրվել ԵՊՀ ուսանող, Երևանի բնակիչ Արամ Հայրյանին և Արթիկ քաղաքի բնակիչ, Հայկական պետական մանկավարժական համալսարանի ուսանողուհի Սուսաննա Մնացականյանին: Խափանման միջոց է ընտրվել չհեռանալու մասին ստորագրությունը:

Նախաքննությամբ պարզվել է, որ անձնական խնդիրները լուծելու նպատակով մարտի 19-ին ահաբեկչության մասին կեղծ ահազանգը տվել է Երեւանի պետհամալսարանի ուսանող, անբավարար առաջադիմության պատճառով հեռացման ներկայացված, Երեւանի բնակիչ Արամ Հայրյանը: Նրա խնդրանքով` մարտի 20-ին ահաբեկչության մասին սուտ երկու հաղորդում է տվել Արթիկ քաղաքի բնակիչ, Հայկական պետական մանկավարժական համալսարանի ուսանողուհի Սուսաննա Մնացականյանը:

Ձեռք բերված ապացույցների համակցությամբ՝ ուսանողին մեղադրանք է առաջադրվել ՀՀ քրեական օրենսգրքի 259-րդ հոդվածի, 38-259-րդ հոդվածի հատկանիշներով (2 դրվագ), աղջկան մեղադրանք է առաջադրվել ՀՀ քրեական օրենսգրքի 259-րդ հոդվածի հատկանիշներով (2 դրվագ):