Ինչպե՞ս կարող ենք Ռուսաստանին արգելել զենք վաճառել Ադրբեջանին. Սերժ Սարգսյան

Ռուսական «Պոզներ» հեռուստահաղորդման ընթացքում ՀՀ նախագահ Սերժ Սարգսյանը պատասխանեց նաեւ Ադրբեջանին ռուսական զենք վաճառելու վերաբերյալ հարցին:

«Այստեղ խնդիրն ավելի շատ հոգեբանական է, երբ հայ զինվորը, հայ սպան գիտի, որ իր վրա կրակում են ռուսական զենքով:

Ես վստահ եմ, որ ռուսական ղեկավարությունը շատ լավ հասկանում է, թե ինչի կարող է հանգեցնել բալանսի խախտումը: Եւ հուսով եմ, որ նրանց հաշվարկները ճիշտ են: Ես հույս ունեմ, որ այդ որոշումներն ընդունողները լավ են հաշվարկել:  Ինչպե՞ս կարող ենք Ռուսաստանին արգելել զենք վաճառել Ադրբեջանին: Ի՞նչ անենք. նեղանա՞նք, այդ մասին ամեն անգամ բարձր ու անընդհատ խոսե՞նք, կշտամբե՞նք: Եւ ի՞նչ  օգուտ  դա կբերի»,- նշեց Սերժ Սարգսյանը:

Նա նաեւ շեշտեց, որ այս հարցի շուրջ բազմիցս խոսել է ՌԴ նախագահ Վլադիմիր Պուտինի հետ: