ԵՄ-ին կոչ են անում Ռուսաստանը ճանաչել ագրեսոր երկիր

Լիտվայի պաշտպանության նախարար Յուոզաս Օլեկասը ԵՄ երկրներին կոչ է արել Ռուսաստանը հայտարարել ագրեսոր երկիր: «Ես շատ լավ հասկանում եմ, որ Ուկրաինան այժմ պայքարում է ոչ միայն ազատության ու անկախության համար, այլեւ կարեւորագույն սկզբունքների համար, որոնք ժամանակակից Եվրոպայի կարեւորագույն մասն են»,- ասել է լիտվացի պաշտոնյան:

Նա ընդգծել է, որ Ռուսաստանը մարտահրավեր է նետել  միջազգային կարգուկանոնին:

Նշենք, որ հունվարին Ուկրաինայի Ռադան հավանության էր արժանացրել Ռուսաստանը ագրեսոր երկիր ճանաչելու  հայտարարությունը: Ուկրաինացի պատգամավորները միջազգային հանրությանն ու այլ երկրների խորհրդարաններին կոչ էին արել նմանատիպ հայտարարություններ ընդունել եւ մեծացնել նրա նկատմամբ ճնշումը: