Վարդան Այվազյանն ո՞ւր է, նրանից հարցրեք. Արամ Մանուկյանը տեղյակ չէ

ԱԺ ՀԱԿ խմբակցության քարտուղար Արամ Մանուկյանից լրագրողները հետաքրքրվեցին, թե ի՞նչ է տեղի ունենում գազի հանձնաժողովում, և արդյո՞ք պատրաստ է հանձնաժողովի եզրակացությունը:

Հիշեցնենք, որ երեկ այդ հարցը բարձրացրեց Նիկոլ Փաշինյանը` ասելով, որ եզրակացությունը դեռ չկա, ինչը ԱԺ կանոնակարգ-օրենքի խախտում է, իսկ Գալուստ Սահակյանը պատասխանեց, որ եզրակացությունն առաջիկայում կբաժանեն պատգամավորներին:

Հարցին` եզրակացությունը բաժանե՞լ են պատգամավորներին, Արամ Մանուկյանը, ուսերը թոթվելով, պատասխանեց. «Գազի հարցերի հանձնաժողովի նիստ չի եղել: Եզրակացություն չենք տեսել: Վարդան Այվազյանն ո՞ւր է, նրանից հարցրեք»:

Նշենք, որ ԱԺ ՀՀԿ խմբակցության պատգամավոր Վարդան Այվազյանը գազի հարցերով հանձնաժողովի նախագահն է, և' երեկ, և' այսօր նա բացակայում է նիստից: