Արցախի ԱԺ ընտրություններին մասնակցելու հայտ է ներկայացրել 3 կուսակցություն

ԼՂՀ ընտրական հանձնաժողովներում շարունակում են ընդունել 2015թ. մայիսի 3-ի ԼՂՀ Ազգային ժողովի հերթական ընտրությանը մասնակցելու համար առաջադրվող քաղաքացիների և կուսակցությունների հայտերը. հայտնում է  karabakhinfo.am-ն:

ԼՂՀ Կենտրոնական ընտրական հանձնաժողովի պաշտոնական կայքի տեղեկացմամբ՝ ընթացիկ տարվա մարտի 17-ի տվյալներով` համամասնական ընտրակարգով թեկնածուների ընտրական ցուցակներ է ներկայացրել երեք կուսակցություն` Կոմունիստական կուսակցությունն ու «Շարժում-88» կուսակցությունը` ընտրական ցուցակներում 14-ական, Արցախի ժողովրդավարական կուսակցությունը` 35 թեկնածուների ընդգրկմամբ:

ԼՂՀ տարածքային ընտրական հանձնաժողովների կողմից տրամադրած նախնական տեղեկությունների համաձայն` հանրապետության 11 ընտրատարածքներից 9-ում մեծամասնական ընտրակարգով առաջադրվել է 19 քաղաքացի, ընդ որում` նրանցից 5-ը ինքնաառաջադրվել են:

Մանրամասն՝ սկզբնաղբյուրում