Ընդդիմությունն այսօր մի քիչ թոփալ է. Զուրաբյանը ձեռնափայտով է

Այսօր ԱԺ նիստին ՀԱԿ խմբակցության ղեկավար Լևոն Զուրաբյանը ներկայացել էր կարմիր գույնի ձեռնափայտով և ակնհայտորեն կաղում էր:

Լրագրողների բազմաթիվ հարցերին, թե ի՞նչ է պատահել, նա միայն կատակով էր պատասխաններ տալիս, մեկ ասում էր, թե եկել է` պաշտպանվելու, մեկ էլ, թե պատրաստվում է որևէ մեկին խփել ձեռնափայտով:

Ի վերջո, մոտենալով ԱԺ ամբիոնին, նա թափահարեց իր կարմիր ձեռնափայտը և ասաց. «Հարգելի Ազգային ժողով, ընդդիմությունն այսօր մի քիչ թոփալ է, և ձեզանից շատերը ոգևորվել են այդ առթիվ` մտածելով, թե ձեր իշխանության հիմքերը ամրացել են»:

Նշենք, որ Լևոն Զուրաբյանի ելույթն ամբողջովին ներքաղաքական իրավիճակի մասին էր: Նա Ծառուկյանին պաշտպանող խոսք հնչեցրեց: