Քիչ մարդիկ, քիչ խնդիրներ

Լավ է, որ բանակցությունները դադարեցին. դրանք չէին կարող դրական արդյունքի հանգեցնել. լրագրողների հետ հանդիպման ժամանակ ասաց ՍԴՀԿ ատենապետ Լյուդմիլա Սարգսյանը: Նա նշեց, որ երկխոսությունը միայն ժամանակ շահելու համար էր իրականացվում:

Ըստ ատենապետի` իշխանության ստեղծած սոցիալական ծանր վիճակն անհաղթահարելի է: Դրա պատճառով մարդկանց մի ստվար զանգված բռնել է արտագաղթի ճանապարհը: Պետությունը որդեգրել է «որքան քիչ մարդ, այնքան քիչ խնդիրներ» քաղաքականությունը: Իսկ ժողովուրդն իրեն ստորացված է զգում, նույնիսկ կասկածում է իր անկախությանը:

«Մեր երկիրը պատերազմի շեմին է, իսկ բանակն ընկալվում է որպես քրեակատարողական հիմնարկ. ռազմական գիտելիքներ ստանալու փոխարեն զինվորը ենթարկվում է բռնության, ինչի արդյունքում էլ գործ ունենք ինքնասպանությունների եւ սպանությունների հետ»,- համոզված է ատենապետը:

Ահա, թե ինչու է ՀԱԿ-ը պահանջում Սերժ Սարգսյանի հրաժարականը: