"Սպարտակ"-ը Եվրալիգայում հանդես գալու հնարավորություններ ունի. Յուրա Մովսիսյան

Հայաստանի ազգային հավաքականի և Մոսկվայի «Սպարտակ»-ի հարձակվող Յուրա Մովսիսյանը հավատում է, որ իր ակումբը կարող է հանդես գալ Եվրալիգայում:

«Մեր ակումբը Ռուսաստանի առաջնությունում  այնքան էլ լավ հորիզոնական չի զբաղեցնում: Բայց շանսեր կան` մասնակցելու Եվրալիգային և անգամ Չեմպիոնների լիգային: Ես նայել եմ խաղային օրացույցը. հանդիպումներից շատերը մենք անցկացնելու ենք տանը, ինչը մեծ առավելություն է տալիս մեզ: Կարծում եմ` եթե տանը հաղթենք, մեծ շանսեր կունենանք` բարձրանալու: Ես երբեք չեմ կորցնում լավատեսությունս»,- Մովսիսյանի խոսքերն է մեջբերում РБК Daily-ին:

Ինչ վերաբերում է թիմին և թիմակիցներին, Մովսիսյանը նշում է.«Թիմում ինձ լավ ընդունեցին, բոլորի հետ լավ հարաբերություններ ունեմ: Խոսում եմ անգլերեն և փորձում եմ սովորել ռուսերեն»: