Վարդան Պետրոսյանն ապրիլին տա՞նը կլինի

Այսօր հրապարակվեց դերասան Վարդան Պետրոսյանի դատավճիռը: Նա դատապարտվեց 5 տարի ազատազրկման:

Վարդան Պետրոսյանի փաստաբան Նիկոլայ Բաղդասարյանը լրագրողների հետ զրույցում նշեց, որ դատավճռով տրվել է իրավիճակային լուծում, և որ դատավճռից դժգոհ կմնան և' Վարդան Պետրոսյանը, և' տուժող կողմը:

Նա նշեց, որ, ենթադրաբար, ապրիլին կլինի համաներման ակտ, և անզգույշ հանցագործության պայմաններում հինգ տարի ազատազրկվելու դեպքում գործը կկարճվի, այսինքն` եթե տուժող կողմը հանկարծակի որոշել բողոքարկել, ապա Վերաքննիչ դատարանին ոչինչ չի մնա, քան գործը կարճել և Վարդան Պետրոսյանին դատարանի դահլիճից բաց թողնել:

«Այսինքն` բոլոր դեպքերում Վարդան Պետրոսյանն ապրիլին տանը կլինի` անկախ այն բանից` տուժող կողմը կբողոքարկի՞, թե՞ չի բողոքարկի»,- ասաց Նիկոլայ Բաղդասարյանը` շեշտելով, որ դատավորն իրավիճակային լուծում է տվել: