Պերմյակովի հայրը «Փրկությունը Հիսուսն է» աղանդավորական ուղղության հովիվներից է

g12chita.ru կայքից պարզ է դառնում, որ Գյումրիի սպանդն իրականացնելու մեջ կասկածվող` Գյումրիի 102-րդ ռազմաբազայի ժամկետային զինծառայող Վալերի Պերմյակովի հայրը` Պավել Պերմյակովը, աղանդավոր է: Նա «Փրկությունը Հիսուսն է» կրոնականաղանդավորական  ուղղության հովիվներից է: Հատկանշական է, որ ոճրագործության մեջ կասկածվող Վալերի Պերմյակովի հոր նկարի տակ գրված է «Հույս, հավատ, սեր»:

Այդ աղանդի մասին ասվում է, որ առաջնորդվում են Սուրբ գրքով, հաստատում Սուրբ հոգու գերբնական արարքները, սկիզբ է առել  «Պենտեկոստեի օր» եկեղեցուց /«50-ականներ» աղանդ/: Հավատում են, որ Աստված իր դեմքը բացում է Հոր, Որդու և Սուրբ հոգու միջոցով, Սուրբ գրքերը` Հին և Նոր Կտակարանները Աստծո ճանաչման միակ աղբյուրն են/ ուսումնասիրել Սուրբ գիրքը, հավատալ Սուրբ գրքին, կատարել նրա ուղերձները, չխեղաթյուրել Աստծո խոսքը և այլն/: Մարդու վերաբերյալ ասում են, որ մարդը ստեղծվել է Աստծո նմանությամբ, որ ունի ազատ ընտրության իրավունք, ունի հոգի ու մարմին, ինքնուրույն չի կարող փրկվել ո'չ իր դավանանքի, ո'չ իր գործերի, ո'չ էլ այլ մարդկանց միջոցով: Մարդը բոլոր մեղքերը քավում է Հիսուս Քրիստոսին հավատալու միջոցով, իսկ մեղքի սկզբնաղբյուրը սատանան է: