Սյուրռեալիզմը վերածվել է ԱՄՆ արտաքին քաղաքականության ուղղության. Զարիֆ

ԱՄՆ-ն Իրանին մեղադրում է ՄԱԿ-ի ԱԽ-ի այն բանաձևի խախտման մեջ, որն ինքն է խախտել, իսկ մյուսներին էլ, դրան հավատարմության դեպքում ,սպառնում է պատժամիջոցներով: Այս մասին Twitter-ի իր միկրոբոլգում գրել է Իրանի ԱԳ նախարար Մոհամմադ Ջավադ Զարիֆը՝ արձագանքելով Իրանի հրթիռային փորձարկումների մասին ԱՄՆ պետքարտուղար Մայք Պոմպեոյի հայտարարությանը:

«Այժմ արդեն սյուրռեալիզմը վերածվել է ԱՄՆ արտաքին քաղաքականության ուղղության: ԱՄՆ-ն Իրանին մեղադրում է ՄԱԿ-ի ԱԽ-ի բանաձևի խախտման մեջ այն դեպքում, երբ ինքն է խախտել ՄԱԿ-ի ԱԽ 2231 բանաձևը և բոլոր նրանց, ովքեր չեն ցանկանում խախտել այդ բանաձևն ու հետևել ԱՄՆ անօրինական քայլերին, սպառնում է պատժամիջոցներով: Ինչպիսի երկերեսանիություն»,- գրել է Իրանի արտաքին քաղաքական գերատեսչության ղեկավարը:

Հիշեցնենք, որ նախօրեին ԱՄՆ պետքարտուղար Մայք Պոմպեոն, անդրադառնալով Իրանի՝ միջին հեռահարության բալիստիկ հրթիռների փորձարկմանը, նշել էր, որ դրանք խախտում են ՄԱԿ-ի ԱԽ 2231 բանաձևը: