Գյումրիի դաժան սպանության մեջ կասկածվողի անունը հայտնի է

Գյումրիում տեղի ունեցած դաժան սպանության մեջ հիմնական կասկածվողը ռուս զինվորական Պերմյակով Վալերի Պավլովիչն է։ Այս մասին Yerkir.am-ին հայտնեց ՀՀ Քննչական կոմիտեի մամլո խոսնակ Սոնա Տռուզյանը` հավելելով, որ  իրենք ահազանգ են ստացել Գյումրու զորամասից, որ զինծառայող է փախուստի է դիմել:

«Դեպքի վայրում գտնվել են զինվորական կոշիկներ, որոնց վրա գրված է եղել փախուստի դիմած զինծառայողի անունը և ազգանունը»,-ասաց նա:

Նշենք, որ,  բացի այդ,  դեպքի վայրում հայտնաբերվել է ԱԿ 74 տեսակի ինքնաձիգ, 5.45 մմ տրամաչափի պարկուճներ և մեկ պահունակ` փամփուշտներով: Միջոցներ են ձեռնարկվում հանցագործություն կատարած անձին հայտնաբերելու ուղղությամբ: