Օլիմպիական չեմպիոն ֆրանսիացի ըմբիշը որակազրկվել է 1 տարով

Ֆրանսիական լրատվամիջոցների, մասնավորապես` franceinfo.fr կայքի և L’Equipe պարբերականի տեղեկությունների համաձայն՝ 2008 թ. Պեկինի օլիմպիական խաղերի չեմպիոն (ի դեպ՝ Ֆրանսիայի օլիմպիական  պատմության մեջ 1936-ից հետո առաջին անգամ) 66 կգ քաշային կարգի հունահռոմեական ոճի ըմբիշ, 29-ամյա Ստիվ Գենոն ըմբշամարտի Ֆրանսիայի ֆեդերացիայի կողմից որակազրկվել է 1 տարով հակադոպինգային կանոնները խախտելու համար: 

Գենոն, ով նաև 2012 թ. Լոնդոնի օլիմպիական խաղերի բրոնզե մեդալակիր է, 2007 թ. Բաքվի աշխարհի առաջնության արծաթե մեդալակիր ու 2010 թ. Եվրոպայի առաջնության բրոնզե մեդալակիր, երկու անգամ խուսափել է դոպինգ ստուգումներից և անհասնելի է եղել հակադոպինգային գործակալության սպաների համար: 

Ֆրանսիացի օլիմպիական չեմպիոնի որակազրկման ժամկետը լրանալու է 2015 թ. հուլիսի 30-ին:

Աղբյուր` wrestling.am