Թուրք ուսանողները լքել են դահլիճը` իմանալով, որ ըմբիշը չի հայհոյել հայերին

Թուրքիայում Ազգային հավաքականի ըմբիշներ Թահա Ակքյուլն ու Ռըզա Քայաալփը հանդիպում են ունեցել ուսանողների հետ:

Ըստ Haberler-ի` Գեզի այգու իրադարաձությունների ժամանակ Քայաալփը Twitter-յան իր էջում գրառում էր արել ցուցարարների մասին, թե «ցույցերին մասնակցովները «հայի բիճ» են»:

Հանդիպման ընթացքում ուսանողներից մեկը, ով ներկա է եղել այդ ցույցերին, բացատրություն է պահանջել Քայաալփից:

«Այդ մասին ֆեդերացիային բազում նամակներ են եկել, որոնցում այնպիսի պնդումներ կան, որ ես առաջին անգամ տեսա: Մենք մասնակցում ենք միջազգային մրցումների: Ես բոլոր երկրներից ընկերներ ունեմ, նրանց թվում կան նաև շատ հայ ըմբիշներ: Անհնար է` նման բան ասած լինեմ: Որպես մարզիկ` նման երևույթ երբեք չեմ կարող ընդունել: Ես դեմ եմ հայհոյանքին: Ի վերջո, չեմ կարծում, որ թե' ՖԻԼԱ-ում, թե' մեր երկրում նման մտածելակերպ է մնացել»,- ասել է ըմբիշը:

Նրա այս հայտարարությունից հետո ուսանողները լքել են դահլիճը:

Ի դեպ, նշենք, որ այդ գրառումներից հետո թուրքական մամուլը ևս անդրադարձել էր դեպքին, որից հետո ըմբիշը հեռացրել էր հայերի մասին իր գրառումները: Ստորև ներկայացնում ենք ըմբիշի հեռացրած գրառումներից մի քանիսը:

«Հայաստանի ժողովուրդը նշում է այն իրադարձությունը, թե «գրավեցինք Թաքսիմի հրապարակը, հանգիստ կարող ենք թուրքերին վիրավորել». Հազար ամոթ նրանց ոգեշնչողներին»:

«Անիծվեք դուք. Հրապարակը թողեցիք հայերին: Թող Աստված ձեզ պատժի, ցուցարար կողոպտիչներ»: