Դոլարն արդեն 475 դրամով է վաճառվում

Rate.am կայքում, որում արտացոլված է ֆինանսական շուկայի ամբողջ անցուդարձը, «Փոխանակման կետեր» բաժնում հստակ երևում է, որ դոլարի վաճառք չի իրականացվում, այնինչ երեկ` նույն ժամին, փոխանակման կետերում դոլարը վաճառվում էր 465 դրամով: Թե ինչ արժե դոլարը փոխանակման կետերում անհնար է ասել, քանի որ գինը սահմանվում է եղած ապրանքի համար, իսկ այս դեպքում դոլարի վաճառքը փոխանակման կետերում իսպառ բացակայում է:

Առևտրային բանկերում էլ, առավոտվա համեմատ, դոլարը թանկացել է 5 դրամով` 470 դրամի փոխարեն դոլարն արդեն վաճառվում է 475 դրամով:

Այսքանից հետո իշխանությունը պնդում է, թե վիճակը վերահսկվում, մինչդեռ ֆինանսական շուկայում խուճապը գնալով մեծանում է: