Պաշտոնյաներն ավիատոմսերի համար միլիոններ են ծախսում. «Առավոտ»

«Առավոտ» թերթը գրում է. «ՀՀ արտգործնախարար Էդվարդ Նալբանդյանի եւ նրա տիկնոջ՝ Նատալյա Նալբանդյանի համար Մոսկվա մեկնելու եւ վերադառնալու տոմսն արժեցել է 1 մլն 392 հազար դրամ։ Արտգործնախարարն ու նրա տիկինը Մոսկվա են մեկնել աշխատանքային այցով՝ նոյեմբերի 14-16-ը՝ բիզնես կարգով ։ Այս մասին  տեղեկանում ենք կառավարության կայքում տեղադրված «մեկ անձից գնումներ» բաժնից։ Էդվարդ Նալբանդյանը հոկտեմբերի 4-ից 5-ը կրկին մեկնել է Մոսկվա, այս անգամ նրա տոմսն արժեցել է 547 հազար դրամ։ Կառավարությունը հատուկ չվերթներ գնելու ծառայության համար վճարել է 13 մլն 820 հազար դրամ։ Կառավարության անդամները նոյեմբերի 20-ին մեկնել են Աշխաբադ եւ վերադարձել։

Մարդու իրավունքների պաշտպան Կարեն Անդրեասյանի համար գնված ավիատոմսն արժեցել է 810 հազար դրամ։ Նա նոյեմբերի 18-ին մեկնել, ապա վերադարձել է Երեւան-Վիեննա-Սալոնիկ-Վիեննա-Երեւան չվերթով։

Էներգետիկ բնգավառում ՌԴ հետ երկկողմ համագործակցության հարցեր քննարկելու նպատակով էներգետիկայի եւ բնական պաշարների նախարար Երվանդ Զախարյանի եւ տեղակալ Արեգ Գալստյանի՝ 2014թ. հոկտեմբերի 30-31-ը Մոսկվա կատարած այցը եւս բյուջեի վրա էժան չի նստել։ Երկու պաշտոնյաների ավիատոմսը մեկ միլիոն դրամից ավելի է արժեցել»։

Առավել մանրամասն՝ թերթի այսօրվա համարում: