Որոշ նախարարություններ պետք է ներկայացնեն ավիատոմսերի գնման գործընթացի վերաբերյալ հաշվետվություններ

Կառավարության այս շաբաթվա  նիստի օրակարգում կառավարության աշխատակազմը ներառել է որոշում, որը հաստատում է կառավարության կողմից ավիատոմսերի գնման գործարքների ցանկը:

Հանձնարարվում է կառավարության աշխատակազմի ղեկավար նախարարին, արտգործնախարարին և կրթության գիտության նախարարին սույն որոշումն ուժի մեջ մտնելուց  հետո 5 օրյա ժամկետում յուրաքանչյուրն իր մասով ՀՀ ֆինանսների նախարարին ներկայացնել ավիատոմսերի գնման գործընթացի վերաբերյալ գնումների մասին  պահանջվող հաշվետվությունները:

Որոշման մեջ հիմնավորվում են մի քանի դեպքեր, որոնց արդյունքում չեղյալ են համարվել գնումները: Առաջին դեպքում ՀՀ կառավարության աշխատակազմը սահմանված կարգով կազմակերպել է ծածկագրով առանց գնումների հայտարարությունը նախապես հրապա­րա­կելու բանակցային ընթացակարգ: Ընթացակարգին մասնակցել են թվով երկու մասնակիցներ, որոնց առաջարկած գները գերազանցել են այդ գնումը կատարելու համար նախատեսված ֆինանսական միջոցները, այն է` 350,000 ՀՀ դրամը:Մասնակիցներն առաջարկել են 570,000 և 705,000 ՀՀ դրամ և բավարար չափով չեն նվազեցրել իրենց կողմից առաջարկված գները: Ընթացակարգը հայտարարվել է չկայացած:

Երկրորդ և երրորդ դեպքերում, նույնպես ժամկետի առումով, անհնար է եղել կատարել ՀՀ կառա­վա­րության պահանջները, որոնց պատճառով նշված գնման գործարքները ՀՀ ֆինանսների նախարարության աշխատակազմի կողմից հաշվառման չեն վերցվել, ուստի՝ փաստացի տրամադրված ավիատոմսերի դիմաց մինչ օրս վճարում չի իրականացվել:

Չորրորդ, հինգերորդ,վեցերորդ և յոթերորդ դեպքերում ելնելով ՀՀ արտաքին գործերի նախարարության գործունեության առանձնահատկություններով, ինչպես նաև աշխատանքային անհրաժեշտությունից ՀՀ ԱԳ նախարարի խորհրդականի և օգնականի գործուղում մեկնելու կապակցությամբ նույնպես ժամկետի առումով, անհնար է եղել կատարել ՀՀ կառա­վա­րության պահանջները, որոնց պատճառով նշված գնման գործարքները ՀՀ ֆինանսների նախարարության աշխատակազմի կողմից հաշվառման չեն վերցվել, ուստի՝ փաստացի տրամադրված ավիատոմսերի դիմաց մինչ օրս վճարում չի իրականացվել: