Հովիկ Աբրահամյանի հրահանգը շոկի մեջ է գցել հարկայինին. «Հրապարակ»

«Հրապարակ» թերթը գրում է. «Հարկային մարմինների կողմից օպերատիվ հետախուզական միջոցառումները սահմանափակել 1 անգամով, մեկից ավելի անգամ ստուգումները վերապահելով միայն բացառիկ դեպքերում՝ վարչապետի թույլտվությամբ». Հովիկ Աբրահամյանի հրահանգը շոկի մեջ է գցել հարկայինին: Նրանք տեղյակ չեն եղել, որ նման բան է նախապատրաստվում: Կառավարության նիստին չի մասնակցել ֆինանսների նախարար Գագիկ Խաչատրյանը, ով, ասում են, հնարավոր է առարկություն ունենար: «Նախարարությունը ներկայացրել է Արգամիչի մտերիմ Պավել Սաֆարյանը, հետո էլ մենք առանձնապես 1 անգամից ավել ստուգումներ չէինք էլ անցկացնում»,- ասաց հարկայինի աշխատակիցը` «գտնելով», որ սա փորձ է համեմատաբար անկախ, նախագահին «մերձ» Գ. Խաչատրյանին եւ «օպեր-հարկային» ծառայությունն իր «տակ բերելու»»:

Մանրամասն՝ թերթի այսօրվա համարում: