Թուրքիայի ազգային հավաքականի դարպասապահը կհեռացվի հավաքականից

Թուրք ֆուտբոլային մեկնաբան Մեհմեդ Դեմիրքոլը ֆուտբոլի Թուրքիայի ազգային հավաքականի դարպասապահ Վոլքան Դեմիրելի մասին ցնցող հայտարարությամբ է հանդես եկել:

Ըստ Eurosport-ի` թուրքական Milliyet թերթի` Վոլքան Դեմիրելի մասին հրապարակած լուրը, թե դարպասապահի համար պատմական որոշում է կայացվել, մեծ արձագանք է գտել: Ըստ հոդվածի` «Թուրքիայի ֆուտբոլի ֆեդերացիայի ղեկավարությունը ազգային հավաքականի դռները փակում է դարպասապահի առաջ»:

Նշվում է, որ վերջնական որոշումը կկայացվի ֆեդերացիայի ղեկավարության և հավաքականի մարզիչ Ֆաթիհ Թերիմի հետ հանդիպումից հետո:

NTV Spor հեռուստաալիքով հեռարձակվող սպորտային ծրագրի ժամանակ դարպասապահի մասին լուրն ընթերցելիս մեկնաբան Դեմիրքոլը հայտնել է, որ Դեմիրելն այսուհետ չի խաղա ազգային հավաքականում, և, ամենայն հավանականությամբ, փորձառու դարպասապահը ներում է խնդրելու: Նրա պնդմամբ` «այսպիսի արդյունավետությամբ ոչ միայն հավաքականի համար երազ կմնա Եվրո 2016 առաջնությունը, այլև հակառակորդների հետ ոչ-ոքի խաղալը»,:

Հիշեցնենք, որ ֆուտբոլի Թուրքիայի ազգային հավաքականի դարպասապահ Վոլքան Դեմիրելը Եվրո 2016-ի նախընտրական փուլի` Թուրքիա-Ղազախստան հանդիպման նախախաղային վարժանքի ժամանակ լքել էր խաղադաշտը երկրպագուներից մեկի անվայել ժեստի պատճառով: