Սամբոյի Հայաստանի հավաքականը մեկնում է Ճապոնիա

Նոյեմբերի 20-24-ը աշխարհի ուժեղագույն սամբիստները կհյուրընկալվեն Ճապոնիայի Նարիտա քաղաքում, որտեղ կկայանա սամբոյի աշխարհի 2014թ. առաջնությունը:

Տարվա խոշորագույն մրցումներին Հայաստանը կներկայացնի 11 մարզիկ: Մեր հավաքականում ընդգրկված են  աշխարհի չեմպիոններ Աշոտ Դանիելյանը, Վաչիկ Վարդանյանը, համաշխարհային ունիվերսիադայի և Եվրոպայի այս տարվա չեմպիոն Տիգրան Կիրակոսյանը, Եվրոպայի առաջնության մրցանակակիրներ Մխիթար Մխիթարյանը, Էդիկ Պետրոսյանը, նաև փորձառու մարզիկներ Մարտին Միրզոյանը, Արեն Անտոնյանը, Արթուր Հակոբյանը, աղջիկներից՝ Ռոզա Խաչատրյանը, Սոսե Բալասանյանը:

Գոտեմարտերը կկայանան նոյեմբերի 21-23-ը «Նակադայ» մարզապալատում. տեղեկացնում է Հայաստանի սամբոյի ֆեդերացիայի պաշտոնական կայքը: