Լուկաշենկոն՝ Բելառուսում ուկրաինական սցենարի մասին

Բելառուսում չկան պայմաններ ուկրաինական իրադարձությունների կրկնության համար: Այդ մասին երեկ հայտարարել է երկրի նախագահ Ալեքսանդր Լուկաշենկոն. հայտնում է РИА Новости-ն: 

Լուկաշենկոն բազմիցս կարծիք է հայտնել, որ ուկրաինական ճգնաժամի հիմնական պատճառը երկրի տնտեսության և կոռուպցիայի խնդիրներն են եղել։

«Եթե մեր տնտեսությունն աշխատի ինչպես հարկն է, մեզ ոչինչ չի սպառնա: Ո'չ գունավոր հեղափոխություններ, ո'չ արտաքին ինտերվենցիա, ոչինչ։ Սակայն եթե մենք խորտակվենք կոռուպցիայի, անպատասխանատվության, անուշադրության մեջ, դա կլինի համապատասխան հող այդ գունավոր հեղափոխությունների համար»,- հայտարարել է Բելառուսի նախագահը։