«Հայփոստ»-ը, Զանգեզուրի պղնձամոլիբդենային կոմբինատը, «Վալան Պրոֆ»-ը թաքցնում են հարկերը

Ֆիանսների նախարարությունը հերթական ուսումնասիրության արդյունքում 290 խախտում է բացահայտել 38 խոշոր ընկերությունների մոտ:

Ուսումնասիրություններն իրականացվել են հոկտեմբերի 21-31-ն ընկած ժամանակահատվածում: Մի շարք խոշոր ընկերություններ, ինչպիսիք են Զանգեզուրի պղնձամոլիբդենային գործարանը, «Գեոպրոմայնինգ Գոլդ» ընկերությունը, «Վալան Պրոֆ»-ը, «Հայփոստ»-ը սխալ հարկային հաշվետվություններ են ներակայացրել: Այդ ժամանակահատվածում Հայաստանի ամբողջ տարածքում տնտեսվարող սուբյեկտների կողմից անվավեր կամ չեղյալ է ճանաչվել 3656 էլեկտրոնային հարկային հաշիվ` 2.5 մլրդ դրամ ընդհանուր արժեքով:

Ուսումնասիրությունները շարունակվել են նաև նոյեմբերի առաջին տասնօրյակում: Իրականացված աշխատանքների և հսկողական միջոցառումների արդյունքում հարկ վճարողներին առաջադրվել է մոտավորապես 424.7 մլն դրամի լրացուցիչ հարկային պարտավորություն: