Թուրք բժիշկը պատրաստվում է Էրդողանի դեմ քրեական գործ հարուցել

Դոցենտ, բժիշկ Իհսան Յըլմազի կյանքը վտանգվել է Թուրքիայում կրոնական նկատառումներով ալկոհոլի արգելքի մասին ԱՄՆ-ում արած նրա հայտարարությունների պատճառով. հայտնում է gundem.bugun-ը:

Յըլմազը ԱՄՆ-ում ելույթի ժամանակ ասել է. «Թեեւ Իրանի չափ ավտորիտար չենք, սակայն մենք նույնպես ավտորիտար ենք դառնում, և կրոնը պետության ձեռքով է հանրությանը մատուցվում»:

Յըլմազի ելույթից հետո նրան խիստ քննադատության էր ենթարկել թուրքական Yeni Safak-ի լրագրող Հայրեթթին Քարամանը` ասելով, որ կասկածում է, թե բժիշկը դավանում է իրենց կրոնը:

Հայտնելով, որ Հրանտ Դինքի հետ նմանատիպ դեպք է տեղի ունեցել, Յլըմազն ասել է. «Պետության կողմից հնչած ծանր մեղադրանքներ կան: Ինձ թիրախ են դարձրել: Հրանտ Դինքի դեմ էլ են նմանատիպ մեղադրանքներ եղել: Եթե ինձ հետ ինչ-որ բան կատարվի, պատասխանատուները հայտնի են: Էրդողանի մեդիայի, Հայրեթթին Քարամանի և նախագահի դեմ քրեական գործ եմ հարուցելու: Մեղադրանքներն ամբողջովին սուտ են»: