Ռուսաստանը չի միջամտի Հայաստանի և ԼՂՀ-ի սահմանային մաքսակետի աշխատանքներին

Ռուսաստանի Դաշնային մաքսային ծառայության ղեկավար Անդրեյ Բելյանինովն այսօր Россия Сегодня-ում  ասուլիսի ժամանակ հայտարարություն է արել Հայաստանի և Լեռնային Ղարաբաղի մաքսային սահմանի մասին. հայտնում է ИА REGNUMը:

Հարցին՝  լուծվե՞լ է, արդյոք, Հայաստանի և Լեռնային Ղարաբաղի սահմանին մաքսայինների ներկայության հարցը, նա պատասխանել է. «Մոտ ժամանակներս չենք պլանավորում… Ես վերջերս ներկայացուցիչ եմ նշանակել Հայաստանում: Նա շուտով կժամանի Հայաստան: Հավանաբար, նա կայցելի սահման, սակայն միջամտել հայ մաքսայինների աշխատանքին մենք չենք պատրաստվում: Այսօրվա դրությամբ` գլխավորն աշխատանքային լեզվի հարցն է: Ռուսաստանի, Բելառուսի և Ղազախստանի Մաքսային միությունում մենք օգտագործում ենք ռուսերենը` որպես աշխատանքային լեզու, իսկ Հայաստանում, ինչպես հայտնի է, օգտագործվում է հայերենը»: