ՀԱՊԿ-ը չի միջամտի հայ-թուրքական սահմանի բացման խնդրին

ՀԱՊԿ անդամ երկրներում իրադրությունն անցյալ տարի, ընդհանուր առմամբ, կայուն է, ինչը հնարավորություն է տվել ուշադրության կենտրոնում պահել տնտեսական եւ սոցիալական հարցերը. Աստանա-Երեւան-Կիեւ-Մինսկ հետուստակամրջի ընթացքում ասել է ՀԱՊԿ գլխավոր քարտուղար Նիկոլայ Բորդյուժան:

Ըստ նրա` ՀԱՊԿ-ը պատրաստ է լիովին կիրառել իր պոտենցիալը անդամ երկրների սահմանների պաշտպանության եւ անվտանգության ապահովման համար:

Անդրադառնալով ՀԱՊԿ ակադեմիայի գաղափարին, Բորդյուժան նշել է, որ առաջին ակադեմիան կբացվի Հայաստանում, որում կիրականացվեն վերլուծական աշխատանքներ, կադրեր կպատրաստվեն:

Ինչ վերաբերում է հայ-թուրքական սահմանի բացմանը ՀԱՊԿ հնարավոր միջամտությանը` կազմակերպության գլխավոր քարտուղարն ասել է, որ խնդիրը վերաբերում է երկկողմ հարաբերություններին, եւ ՀԱՊԿ-ը չի միջամտի նման նուրբ հարցերի: