Օսմանցիների ժամանակ կառուցված բոլոր մզկիթները «կեղտերը» կոծկելու համար են. թուրք պրոֆեսոր

Թուրք պրոֆեսոր, դոկտոր Յաշար Նուրի Օզթուրքը դարձել է թուրքական լրատվամիջոցների թիրախը իր մի հայտարարության պատճառով:

Ըստ Haberler-ի՝ Օզթուրքը «այս անգամ անցել է սահմանը», քանի որ հեռուստահաղորդումներից մեկի եթերում մզկիթների և նամազ անելու մասին խոսելիս պնդել է, թե «Օսմանյան կայսրության հայտնի սուլթաններից Ահմեդը «Սուլթանահմեդ» մզկիթը կառուցել է իր «կեղտերը» կոծկելու համար»:

Տեսանյութում Օզթուրքն ասում է. «Վառ օրինակներից մեկը` ահա՝ «Սուլթանահմեդ» մզկիթը: Դուք գիտե՞ք, թե նա այն ինչու է կառուցել` իր «կեղտերը» կոծկելու համար: Նրանք պատմության ողջ ընթացքում «կեղտերը» կոծկելու հարցում դժվարանալիս մզկիթ են կառուցել»: