Օձուն-Վանաձոր ճանապարհին «Օպելը» ձորն է գլորվել. 22-ամյա վարորդը հիվանդանոցում է

Հոկտեմբերի 15-ին` ժամը 18.03-ին, ահազանգ է ստացվել, որ Մ-6 միջպետական ավտոճանապարհի Օձուն-Վանաձոր 4-րդ կմ-ի հատվածում ավտոմեքենան դուրս է եկել ավտոճանապարհի երթևեկելի հատվածից և գլորվել ձորը, անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ: Պարզվել է, որ «Օպել» մակնիշի 26 OU 256 պետհամարանիշով ավտոմեքենան դուրս է եկել ճանապարհի երթևեկելի հատվածից և գլորվել ձորը (մոտ 10 մ):

Վարորդը` 1992 թ. ծնված Վ. Մ.-ը, տարբեր աստիճանի մարմնական վնասվածքներով հոսպիտալացվել է Ալավերդու ԲԿ: Բժիշկները տուժածի առողջական վիճակը գնահատել են բավարար: Հրշեջ-փրկարարները հոսանքազրկել են ավտոմեքենան: