Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 10 տարի առաջ - 2014-10-13 15:53
Մշակույթ

Կոմիտասի 145-ամյակին նվիրված ևս մեկ համերգ

Կոմիտասի 145-ամյակին նվիրված ևս մեկ համերգ

Հոկտեմբերի 17-ին Կոմիտասի անվան կամերային երաժշտության տանը տեղի կունենա Կոմիտասի 145-ամյակին նվիրված համերգ` «Կոմիտաս. վերապրում» խորագրով: Համերգային ծրագրում ներառված են Գրիգոր Առաքելյանի կոմիտասյան և ավանդական երաժշտության մշակումները և Վահան Արծրունու «Կոմիտաս` տասը հայտնություն» երգաշարը` Կոմիտասի բանաստեղծությունների հիման վրա գրված:

 

Լրագրողների հետ հանդիպման ժամանակ Գրիգոր Առաքելյանը նշեց, որ համերգային ծրագիրը նույնն է, ինչ օգոստոսին կայացած նույնանուն համերգինը: Սակայն, ի տարբերություն նախորդի, այս անգամ ելույթ ունեցողներին /դուդուկահար Էմանուել Հովհաննիսյան, սոպրանո Հասմիկ Բաղդասարյան, ֆլեյտահար Նելլի Մանուկյան/ կմիանա նաև Մայր Աթոռ Սուրբ Էջմիածնի Նոր Նորքի Հայորդյաց տան «Շողակաթ» մանկական երգչախումբը:

 

Վահան Արծրունին էլ նշեց, որ համերգի ժամանակ կներկայացվի «թավ քեմանի» երաժշտական գործիքը, որի հեղինակը Կոմիտասի անվան կոնսերվատորիայի պրոֆեսոր Մարտին Երիցյանն է: Նա ավելացրեց նաև, որ մինչ այժմ երաժշտական գործիքը չի կիրառվել, քանի որ չի եղել համապատասխան ֆինանսավորում` գործիքը ներկայացնելու համար:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը