Այսօր Հոգեկան առողջության միջազգային օրն է

Հոկտեմբերի 10-ը Հոգեկան առողջության միջազգային օրն է:

Այն պաշտոնապես նշվում է 1992 թ.-ից՝ Հոգեկան առողջության համաշխարհային ֆեդերացիայի նախաձեռնությամբ: Տոնի հիմնական նպատակն է հասարակության ուշադրությունը հրավիրել հոգեկան առողջության հիմնախնդիրների վրա:

Ըստ Առողջապահության համաշխարհային կազմակերպության տվյալների՝ աշխարհում ավելի քան 450 միլիոն մարդ այժմ տառապում է հոգեկան հիվանդություններով: Տոնի նպատակը ընկճախտային խախտումների, շիզոֆրենիայի, Ալցհեյմերի հիվանդության, թմրակախվածության, էպիլեպսիայի եւ մտավոր հետամնացության տարածվածության կրճատումն է:  

Այս տարի այն անցնում է «Ապրել շիզոֆրենիայով» խորագրով: